Fréttir og pistlar

Created: 19 apríl 2023

Þórunn Sveinbjörnsdóttir hlaut viðurkenningu Öldrunarráðs Íslands árið 2022. 

Þórunn Sveinbjörnsdóttir og öldrunarþjónustan eiga langt og farsælt samstarf. Eftir að börnin hennar komust á legg vann hún á leikskóla sem leiddi hana í trúnaðarstörf fyrir verkakvennafélagið Sókn þar sem hún var meðal annars í byggingarnefnd Sóknarhússins í Skipholti, varaformaður félagsins og síðan formaður. Umönnunarstörf inni á öldrunarstofnunum voru henni hugleikin og þá ekki síst menntun starfsmanna í umönnunarstörfum og hvernig hægt væri að tengja menntun þeirra betri launum og um leið að byggja brú yfir í frekara nám svo sem félags- og sjúkraliðanám. Á árunum 1995-2005 var Þórunn í stjórn Öldrunaráðs Íslands fyrir hönd ASÍ og síðustu árin sem formaður og aftur tíu árum seinna og þá sem fulltrúi Landsambands eldri borgara.

Afskiptum Þórunnar af málefnum eldra fólks var hvergi nærri lokið eftir að hún lauk störfum hjá Eflingu. Árið 2013 varð hún formaður Félags eldri borgara í Reykjavík í fjögur ár og síðan formaður Landssambands eldri borgara. Samstarf Þórunnar sem formanns Félags eldri borgara í Reykjavík og velferðarsviðs borgarinnar var gjöfult þar sem áherslan var meðal annars á tölvukennslu, bæklingagerð um öryggi eldra fólks í heimahúsum og akstur eldra fólks á efri árum. Símavina verkefni þegar að Covid geisaði sem hæst og yfirhöfuð velferðartækni sem gagnast gæti eldra fólki, það voru hennar ær og kýr segir náin samstarfskonan hjá borginni.

Þórunn lætur ekki deigan síga, hún situr í dag í verkefnastjórn sem leiðir vinnu við aðgerðaráætlun vegna heildarendurskoðunar á þjónustu við eldra fólk sem er skipuð af heilbrigðisráðuneytinu og eining er hún formaður Framkvæmdasjóðs aldraðra.

Þórunn er líka skógarbóndi en það starf átti að taka við þegar hún lét af störfum hjá Eflingu meðfram félagsstörfum og þannig er það enn þann dag í dag þar sem að plöntur eru komnar yfir 50 þúsund sem hún hefur ásamt sínu fólki komið til. 

Created: 20 maí 2022

Loksins verður aðalfundur Öldrunarráðs Íslands haldinn með eðlilegu sniði.

Fundurinn verður á Grand hóteli mánudaginn 23. maí 2022  Kl. 14:00 - allir velkomnir

Auk hefðbundinna aðalfundarstarfa er hefð fyrir því að veita styrki úr rannsóknarsjóði Öldrunarráðs Íslands sem kenndur er við Gísla Sigurbjörnsson fyrrum forstjóra á Grund. Að þessu sinni ákvað stjórn Öldrunarráðs að styrkja  tvö verkefni, Snjallhreyfilausnir og Næringarástand íbúa hjúkrunarheimilis á Akureyri um  250.000 kr. hvort. Styrkþegar munu koma og kynna verkefnin á fundinum.

Öldrunarráð hefur mikinn áhuga á að vekja umræðu um dánaraðstoð og stefnir að því að hafa málþing um það málefni í haust. Til að hefja þá umræðu og vonandi varpa ljósi á það hvernig mikilvægast er að nálgast umræðuna munu Ingrid Kuhlman formaður Lífsvirðingar, félags um dánaraðstoð og Jóhann Björnsson, heimspekingur vera með framsögu og fara yfir það sem þau telja mikilvægast í þeirri nálgun.

Allar frekari upplýsingar veitir Jórunn Ósk Frímannsdóttir Jensen, formaður Öldrunarráðs Íslands í síma: 8245944 eða á netfangið: This email address is being protected from spambots. You need JavaScript enabled to view it.

Allir eru velkomnir á aðalfundinn

Created: 10 maí 2022

Til aðildarfélaga

Öldrunarráðs Íslands

Reykjavík, 09.05.2022.

Efni:   AÐALFUNDUR ÖLDRUNARRÁÐS ÍSLANDS 2022

Hér með er boðað til aðalfundar Öldrunarráðs Íslands

Mánudaginn 23. maí 2022  Kl. 14:00

Fundurinn verður haldinn á Grand Hótel Reykjavík, Sigtúni 28, 105 Reykjavík í Setrinu, inn af veitingastaðnum á fyrstu hæð.

Dagskrá:

1. Hefðbundin aðalfundarstörf samkvæmt lögum ráðsins
   1. Nafnakall fulltrúa með atkvæðisrétt
   2. Lögð fram skýrsla stjórnar ásamt endurskoðuðum ársreikningum
   3. Skýrsla Rannsóknarsjóðs
   4. Lögð fram tillaga stjórnar að fjárhagsáætlun næsta árs og aðildargjöldum.
   5. Lagabreytingar.
   6. Lagðar fram tillögur eða ályktanir sem borist hafa.
   7. Kosning formanns, annarra stjórnarmanna og endurskoðenda.
2. Afhending styrkja Rannsóknarsjóðs
   1. Kynning frá styrkþegum
3. Dánaraðstoð – hvernig er best að nálgast umræðuna
   1. Ingrid Kuhlman, formaður Lífsvirðingar, félags um dánaraðstoð.
   2. Óstaðfest
4. Önnur mál
5. Fundarslit

Allir eru velkomnir á aðalfundinn.

Aðildarfélög eru beðin um að tilkynna þátttöku á aðalfund með því að senda kjörbréf, á netfangið This email address is being protected from spambots. You need JavaScript enabled to view it.

Fyrir hönd stjórnar Öldrunarráðs Íslands

Jórunn Ósk Frímannsdóttir Jensen, formaður

Created: 01 desember 2021

Þórný Þórarinsdóttir hlaut Fjöregg Öldrunarráðs Íslands á aðalfundi félagsins sem haldinn var í vikunni. Fjöreggið er árlega veitt til einstaklings, stofnunar eða félagasamtaka sem þykja hafa unnið gott og óeigingjarnt starf í þágu aldraðra. Öldrunarráði bárust tvær tilnefningar um Þórnýju sem er vel að Fjöregginu komin. Í áravís hefur hún heimsótt aldraða sem ekki eiga heimangengt og lætur ekkert aftra sér. Oft er um jafnaldra hennar að ræða á hjúkrunarheimilum en Þórný er níræð. Hún fer í heimsóknirnar með strætisvagni, leið 14, hvernig sem viðrar. Oftar en ekki eru heimabakaðar pönnukökur í farteskinu hennar sem hún hún gefur þeim sem hún er að heimsækja.

Auk hefðbundinna aðalfundarstarfa er hefð fyrir því að veita styrki úr rannsóknarsjóði Öldrunarráðs Íslands sem kenndur er við Gísla Sigurbjörnsson fyrrum forstjóra á Grund. Að þessu sinni ákvað stjórn Öldrunarráðs að styrkja tvö verkefni, Snjallhreyfilausnir og Næringarástand íbúa hjúkrunarheimilis á Akureyri um 250.000 kr. hvort. Fyrra verkefnið stefnir að því að fara í notendaþróun og samvinnu við stofnanir og stofur á Norðurlandi sem gætu nýtt sér kerfið eftir aðgerðir og við endurhæfingu sem og til að auka líkamlega getu eldri einstaklinga. Hitt verkefnið lýtur að því að kanna næringarástand íbúa hjúkrunarheimila hérlendis til að koma inn með íhlutandi aðgerðir til þeirra sem á þurfa að halda.

Allar frekari upplýsingar veitir formaður Öldrunarráðs Íslands, Jórunn Ósk Frímannsdóttir Jensen í síma: 824 5944