Fréttir og pistlar
Þórný Þórarinsdóttir hlaut Fjöregg Öldrunarráðs Íslands á aðalfundi félagsins sem haldinn var í vikunni. Fjöreggið er árlega veitt til einstaklings, stofnunar eða félagasamtaka sem þykja hafa unnið gott og óeigingjarnt starf í þágu aldraðra. Öldrunarráði bárust tvær tilnefningar um Þórnýju sem er vel að Fjöregginu komin. Í áravís hefur hún heimsótt aldraða sem ekki eiga heimangengt og lætur ekkert aftra sér. Oft er um jafnaldra hennar að ræða á hjúkrunarheimilum en Þórný er níræð. Hún fer í heimsóknirnar með strætisvagni, leið 14, hvernig sem viðrar. Oftar en ekki eru heimabakaðar pönnukökur í farteskinu hennar sem hún hún gefur þeim sem hún er að heimsækja.
Auk hefðbundinna aðalfundarstarfa er hefð fyrir því að veita styrki úr rannsóknarsjóði Öldrunarráðs Íslands sem kenndur er við Gísla Sigurbjörnsson fyrrum forstjóra á Grund. Að þessu sinni ákvað stjórn Öldrunarráðs að styrkja tvö verkefni, Snjallhreyfilausnir og Næringarástand íbúa hjúkrunarheimilis á Akureyri um 250.000 kr. hvort. Fyrra verkefnið stefnir að því að fara í notendaþróun og samvinnu við stofnanir og stofur á Norðurlandi sem gætu nýtt sér kerfið eftir aðgerðir og við endurhæfingu sem og til að auka líkamlega getu eldri einstaklinga. Hitt verkefnið lýtur að því að kanna næringarástand íbúa hjúkrunarheimila hérlendis til að koma inn með íhlutandi aðgerðir til þeirra sem á þurfa að halda.
Allar frekari upplýsingar veitir formaður Öldrunarráðs Íslands, Jórunn Ósk Frímannsdóttir Jensen í síma: 824 5944
Aðalfundur Öldrunarráðs Íslands 2021 verður haldinn 29. nóvember 2021 kl. 10-11. Fundurinn verður með rafrænum hætti. Vinsamlegast hafið samband við Jórunni formann á netfangið
Dagskrá
- Venjuleg aðalfundarstörf
- Viðurkenning Öldrunarráðs Íslands
- Rannsóknarstyrkur
- Önnur mál
________________________________________________________________________________
Fundur í Microsoft Teams
Tengjast í tölvunni eða farsímaforritinu
Tengjast með myndfundarbúnaði
Myndfundarkenni: 124 549 484 3
Frekari upplýsingar | threadId=
Því miður verður aðalfundinum 2021 frestað vegna mikillar fjölgunar covid smita. Nánari upplýsingar síðar.
Til aðildarfélaga
Öldrunarráðs Íslands
Reykjavík, 20. október 2021.
Efni: AÐALFUNDUR ÖLDRUNARRÁÐS ÍSLANDS 2021
Hér með er boðað til aðalfundar Öldrunarráðs Íslands
Þriðjudaginn 9. nóvember 2021
Kl. 13:00
Fundurinn verður haldinn á Grand Hótel Reykjavík, Sigtúni 28, 105 Reykjavík í Háteigi á 4.hæð.
Dagskrá:
- Hefðbundin aðalfundarstörf samkvæmt lögum ráðsins
- Halldór S. Guðmundsson dósent við Háskóla Íslands fjallar um stefnumótun í málefnum aldraðra
- Panell - stuttar kynningar og umræður
- Berglind Magnúsdóttir, skrifstofustjóri öldrunarmála velferðarsviðs
- Sigurður Garðarsson, framkvæmdastjóri Sjómannadagsráðs
- Guðlaug Einarsdóttir, skrifstofustjóri Heilbrigðisráðuneyti
- Kaffihlé
- Afhending viðurkenningar Öldrunarráðs Íslands
- Afhending rannsóknarstyrks Gísla Sigurbjörnssonar fyrrum forstjóra á Grund
- Hversdagsleikinn í nýju ljósi, sviðslistafólkið Ragnar Ísleifur og Hrefna Lind
- Önnur mál
- Fundarslit áætluð 15:30
Allir eru velkomnir á aðalfundinn.
Aðildarfélög eru beðin um að tilkynna þátttöku á aðalfund með því að senda kjörbréf, á netfangið
Fyrir hönd stjórnar Öldrunarráðs Íslands
Jórunn Frímannsdóttir, formaður
ATH UMSÓKNARFRESTUR HEFUR VERIÐ FRAMLENGDUR TIL 19. OKT 2021
Fréttir og pistlar
Hér er að finna fréttir og pistla um málefni Öldrunarráðs Íslands og tengt efni.
Viðurkenningar Öldrunarráðs
Árlega veitir Öldrunarráð Íslands sérstaka viðurkenningu til einstaklings, stofnunar eða félagasamtaka sem þykja hafa unnið einstakt starf tengt málefnum aldraðra. Öllum er frjálst að senda inn tilnefningar og er auglýst eftir tilnefningum í fjölmiðlum. Viðurkenningin er svo veitt á aðalfundi Öldrunarráðs, sem haldinn er í maí.
Rannsóknarsjóður Öldrunarráðs
Rannsóknasjóður Öldrunarráðs Íslands hefur það hlutverk að styðja við bakið á rannsóknum í öldrunarmálum á Íslandi auk sérstakra verkefna annarra í málaflokknum, sem stjórn sjóðsins metur til þess fallin hverju sinni. Reynt er að veita styrki úr sjóðnum árlega. Aðalhvatamaður að stofnun sjóðsins var Gísli heitinn Sigurbjörnsson, forstjóri hjúkrunarheimilisins Grundar. Venja hefur verið að úthluta úr sjóðnum í námunda við afmælisdag Gísla, sem er 29. október.
Ráðstefnur og fundir
Hér er að finna upplýsingar um áhugaverðar ráðstefnur og fundi sem tengjast Öldrunarmálum.
