Fréttir og pistlar
Öldrunarráðs Íslands
Öldrunarráð Íslands eru regnhlífasamtök þeirra sem starfa að hagsmunum aldraðra hér á land. Að Öldrunarráði Íslands eiga því aðild samtök, félög, fyrirtæki og stofnanir, þar með talið sveitarfélög, sem vinna að málefnum aldraðra. Eru aðilar nú alls 32. Markmið Öldrunarráðs Íslands er að vinna að bættum hag aldraðra. Tilgangi sínum hyggst ráðið meðal annars ná með því að:
a. vinna að samræmdri stefnu í málefnum aldraðra og framkvæmd hennar
b. koma fram fyrir hönd aðila sinna eftir því sem við á
c. standa fyrir námskeiðum og ráðstefnum og beita sér fyrir almennri upplýsinga- og fræðslustarfsemi um málefni aldraðra
d. efla rannsóknir í öldrunarmálum með starfsemi sérstaks rannsóknarsjóðs
e. veita aðilum sínum aðstoð við skipulagningu verkefna og framkvæmd þeirra
f. annast samskipti við erlenda aðila
Stjórn Öldrunarráðs Íslands skipa níu aðilar. Formaður er Jórunn Ósk Frímannsdóttir Jensen. forstöðumaður Droplaugarstaða og er hún fulltrúi Félags íslenskra hjúkrunarfræðinga. Ásamt Jórunni skipa stjórnina, Sigurður Sigfússon frá ASÍ sem er varaformaður, Sólveig Reynisdóttir frá Reykjavíkurborg sem er gjaldkeri og Hróðný Lund frá svietarfélagi Norðurþings sem er ritari. Meðstjórnendur eru svo Anný Lára Emilsdóttir frá Félagi stjórnenda í öldrunarþjónustu, Sigurður Garðarsson frá Sjómannadagsráði, Hrafnistuheimilunum, Guðbjörg Guðmundsdóttir frá hjúkrunarheimilinu Grund, Tryggvi Þórhallsson frá sambandi íslenskra sveitarfélaga og Þórunn Sveinbjörnsdóttir frá Landssambandi eldri borgara.
Forvarnir og þátttaka
Við stofnun Öldrunarráðs fyrir 35 árum var mikil áhersla lögð á fræðslu þar sem takmarkið var að upplýsa þjóðina um ýmis hagsmunamál aldraðra. Í dag, þegar vitundin er orðin mun sterkari, mun ráðið skoða hvar veikir blettir eru á hagsmunagæslu aldraðra og finna út frá því hvar kraftar ráðsins nýtast best. Samfélagið er að breytast mikið og sífellt stærri hluti samfélagsins að verða aldraður, það krefst nýrrar hugsunar með enn frekari áherslu á forvarnir og þátttöku aldraðra í samfélaginu.
Öldrunarráð er til húsa á Snorrabraut 58, 105 Reykjavík
Sími: 414-9500
Jórunn Frímannsdóttir
formaður Öldrunarráðs Íslands
Fréttir og pistlar
Hér er að finna fréttir og pistla um málefni Öldrunarráðs Íslands og tengt efni.
Viðurkenningar Öldrunarráðs
Árlega veitir Öldrunarráð Íslands sérstaka viðurkenningu til einstaklings, stofnunar eða félagasamtaka sem þykja hafa unnið einstakt starf tengt málefnum aldraðra. Öllum er frjálst að senda inn tilnefningar og er auglýst eftir tilnefningum í fjölmiðlum. Viðurkenningin er svo veitt á aðalfundi Öldrunarráðs, sem haldinn er í maí.
Rannsóknarsjóður Öldrunarráðs
Rannsóknasjóður Öldrunarráðs Íslands hefur það hlutverk að styðja við bakið á rannsóknum í öldrunarmálum á Íslandi auk sérstakra verkefna annarra í málaflokknum, sem stjórn sjóðsins metur til þess fallin hverju sinni. Reynt er að veita styrki úr sjóðnum árlega. Aðalhvatamaður að stofnun sjóðsins var Gísli heitinn Sigurbjörnsson, forstjóri hjúkrunarheimilisins Grundar. Venja hefur verið að úthluta úr sjóðnum í námunda við afmælisdag Gísla, sem er 29. október.
Ráðstefnur og fundir
Hér er að finna upplýsingar um áhugaverðar ráðstefnur og fundi sem tengjast Öldrunarmálum.
